Bible a rorelna dik (Justice in the Bible) VII- Tim Keller* (chhunzawmna)

3. Rorelna dik a awm theih nana thawh

Tichuan, kan khawtlanga rorelna dik lote beih letna hnathawhah hian Bible in rorelna dik a tih leh khawvelin rorelna dik a tihte hre hrang thiam ringtute hi engtin nge an tel ve theih ang? An tih theihte chu:

1. Kohhrana bul ṭan.

Kohhran chhunga inlaichinna fel lo leh dik lo a kuh ṭun laia khawtlanga inlaichinna fel leh dik zawk a awm theihna tura lo tlangau chiam Kristian chu tumahin an bengkhawn chuang lo ang. Kohhran chhungah chuan rosum hi mi hausa leh retheiten an inchan sem tur a ni ang (2 Korinth 8:13-15; Leviticus 25). Materialism (rosum ngainatna) hi sual lian tak a ni (Jakoba 5:1-6; 1 Timothea 6:17-19). Kohhran chhunga hnam hrangte chu inrema awm ringawt lo vin mihring thar an ni zawk tur a ni a (Ephesi 2:15), chutah chuan an kar pindan chu tihchim a ni tawh ang. Kohhran chu “chi thlan, lal puithiamho” niin khawtlang thar a ni a (1 Petera 2:9), chutah chuan chhungkaw nun, sumdawnna kalhmang, chi leh chi inlaichinna leh mimal inlaichinnate tihdanglam vek an ni. Nakina Pathian lalram lo la awm tur atana thlai chi hmasa kan ni a, Isua lalna leh rorelna hnuaia mihringte awm dan tur khawvelin a lo hmuh lawk theihna hmun kan ni.

Kohhran chhunga inlaichinna fel lo leh dik lo a kuh ṭun laia khawtlanga inlaichinna fel leh dik zawk a awm theihna tura lo tlangau chiam Kristian chu tumahin an bengkhawn chuang lo ang.

Hemi chungchang hi a hnuai lamah ka la sawi dawn tho a, a awmzia berah chuan hnam hrang hrangte awm khawmna hmuna kohhrante chu hnam bil kohhran an ni tur a ni lo; eng hnam pawh ni se, eng dinhmuna ding pawh ni se Kristiante chu hruaitu nihna kawng hawn vek an ni tur a ni. Hemi kawng zawhna tura min kaihruai thei lehkhabu ṭha tak tak he’ng Irwyn Ince, Manny Ortiz, George Yancey leh Efrem Smith te hian an ziak a ni.

chhunzawm tur

*Tim Keller (1950-2023) was an American Presbyterian pastor, preacher, theologian, and Christian apologist. He was the chairman and co-founder of Redeemer City to City, which trains pastors for service around the world.  He was also the founding pastor of Redeemer Presbyterian Church in New York City and the author of several best selling books. This article can be found here: https://gospelinlife.com/article/justice-in-the-bible/