INNGAIDAM TAWN RAWH U

America ram Hawaii-a US Navy hmunpui Pearl Harbour chu 7 December 1941 khan Japanese thlawhna rual Kamikaze (Vanchung Thli) an tih, thih inhuam vekte chuan an rawn bei thut mai a. US lawng an tihchhiat zinga mi USS Arizona chu Torpedo-in
a rawn thawng darh vek a, mi 1177 an thi a. Chu Torpedo phura thlawhna rawn khalhtu chu Japanese Pilot Zinji Abe a ni. USS Arizona chanchin a han hriat leh chuan a thinlung a na ngawih ngawih a, a inchhir em em a. Kum 50 a ral hnuin Pearl Harbour Memorial-a American sipai la damten an thiante an sunnaah chuan December 1991 khan Zinji Abe chu a lo kal a, Memorial hmaah chuan a rawn thingthi a, a mittui a tla zawih zawih mai a. “Min ngaidam rawh u,” tiin thupha a rawn chawi a. American sipai senior tak  Richard Fiske chuan Abe chu a rawn pan a, mittui tla chungin an inkuah ngawih ngawih a. Fiske thih thlengin thian tha tak an ni zui ta a. Zinji Abe chuan kum tinin chu Memorial- ah chuan Rose par a rawn dah thin.

Khawvela tawngtaina ropui ber chu Lal Isuan kraws- a an khenbeh laia, “Ka Pa, anni hi ngaidam rawh, an thiltih hi  an hre lo a nih hi,” a tih kha a ni. “Tu pawhin tu chungah pawh thu pawi nei ang ula, indawh tawnin inngaidam tawn ula, Lalpan a ngaidam che u  ang tak khan ngaidam ve rawh u,” ( Kol. 3:13)