TIRHKOHTE 12:1-3 MIZOVBSI. Tin, chutih lai vêl chuan, Lal Herodan kohhrante zînga tute emaw tihduhdah tumin a kut a lek ta a. [2] Tin, Jakoba, Johana unau chu, khandaihin a sât hlum a. [3] Chu chuan Juda-te a tilâwm tih a hriatin Petera pawh chu man a tum lehzêl a (Chûng nite chu chhang dawidim telh loh ni a ni).
Sawi zauna : Heta Heroda hi Herod Agrippa-I, AD 37-44 chhunga lal a ni. A pu, Herod the Great an tih mai hi Lalpa pian laia nausen suat chiamtu kha a ni a. A patea, a pa unau Herod Antipas hi Baptistu Johana lu tantu, Lalpa an man laia lal kha a ni. He Herod Agrippa-I fapa Herod Agrippa-II hmaah hian Paulan a thiam thu a sawi bawk (Tirh. 25:13-). He thil thleng, Jakoba thih hi Lalpa thih hnu kum 10 vel ni a hriat a ni. Khandaihin a sat hlum tih hi a lu a tan sak tihna a ni.
Ngaihtuah zui atan. 60/1 Jakoba hi Lalpa zirtirte zingah pawh a rin zual pathumte Petera, Johana leh Jakoba te chu a hruai a, tih fo thin Jakoba kha a ni. Lalpa rin bik zingami he tia awlsam angreng tak, ho tak, rawng tak si a a thi ta mai hi i hre thiam lo ve thin em? Pathian mi tha tak mai ho tak maia an che chhe ta viau i hmuh hian eng rilru nge i put thin, Pathian i dem lek lek thin em? Thil thlen dan hi kan hre thiam vek dawn lo. I hriat thiam loh chungah pawh Pathian i ring tlat thei thin em?
Discover more from NUN HRUAITU
Subscribe to get the latest posts sent to your email.