11. Rokhawlhna lian ber beih chat.
Rorelna dik lo chungchang kan sawi hian rokhawlhna awm thei lian ber chu engtin nge systemic racism hi kan hrilhfiah tih hi a ni. He thu “systemic” emaw “structural racism” tih hi chu kum tam tak hman tawh a ni a, mahse ram mi chanve thawk hi chuan tun hnaiah an hre ve chauh a, rem leh rem lo vah pawh an hmang ta vek mai niin a lang. He thu hrilhfiahna leh hmanna hi inang lo zet zet a tam mai. Progressive leh Conservative ho inkarah a nihphung chungchanga thu inhmu lo zau tak a awm a, vun ngo American Kristiante lek phei chuan amah hrim hrim hi pawm harsa an ti khawp mai. Kan Bible hian kalphung sual a awm tih leh a huho mawhphurhna a awm tih leh khawtlang kalphungah thil dik lo inthup tlat, Kristiante chuan an beih ngei ngei tur a awm tih a pawm thu he article hian a sawi tawh a (Luka 14 a induhsak tawnna kalphung leh 1 Timothea 1 a mihring rukbo leh sala hralh ang chi te kha). Mahse vawiina Kristiante hian eng ang kalphungte chu nge kan beih ang? Orthodox Protestant Kristian ringtute hian hnam leh khawtlanga kan dinhmun dah ṭhain tuna kan khawtlanga systemic racism awm mek hi Bible mila kan beih theih nan Catholic Social Teaching ang chi Protestant ten kan hman ve tur hi kan siam chhuah a ngai a ni.
A bul ṭan nan, awmze neia thliar hran dan ngaihtuah chhin teh ang. Pakhatnaah hun kal tawhah African-American ho hnawla dah hniamna kalphung tam tak khawtlangah a awm a, chu’ngte chu sal neih te, Jim Crow dan te leh Black hovin capital leh mortgage (loan puk leh rulhna lam kalphung) bakah zirna in leh chenna in an neih theih lohna tura kalphung hmanga hnungkhirhna te an ni. Tunah chuan he’ngte hi dan hmangin nuai bo ni tawh mah se an sawhkhawk hi a la nasa viau mai a, awmze neia kalphung siam rem tuma civil society anga hmalakna hmangin tihbo an ngai a ni.
Pahnihnaah vawiin thlengin mi retheite leh vun ngo ni lo ho nek chepna kalphung nghet tak hi an la awm a ni. Chu’ngte chu (ka ngaihdanin) public school (sorkar sikul) te sum hmuh dan leh enkawl an ni danah te, misualte chunga rorelna kalphungin sum nei leh hmelhriat neite a vohbik dan te, police te hnathawh dan ṭhenkhat te, chenna in tur ram ṭhen a nih dan leh sak a nih dawna sum pek chhuah dan tam takah te, leh health care system in mi ṭhenkhat a vohbik tlat dan te hi.
A tawp berah chuan vun ngo tam berin vun ngo ni ve lem lote hnam ziarang leh dan an ngaihnepna leh an rin lohna infawkkhawm avanga (a chung lama kan thailan hote) khawtlangin tihdan phunga a neihte an awm leh a. Hei vang hian hna chungchangah pawh kan mi rin zawng, kan hmelhriat huanga mi, keimahni ang mite hlir kan sawipuiin kan la a. Chumi awmzia chu vun ngo ni ve lo, tling ve reng site tan pawh kha’ng hmelhriat thar ṭha chharna, sum lama lei rem rahna leh khawtlanga insawhnghehna huangah khan luh ve a remchang ngai lo reng reng a ni. Hei hian zirtirtu, doctor, bank hnathawk, police leh sumdawng miten vun ngo ni lo ho an dawnsawn dan thlengin nghawng a nei zel a. A rah chhuah chu (an hriat kher lohvah pawh) zirna lamah, rilru lamah, sum leh pai lamah leh tisa tak pawhin vun ngo ni lo ho rahbeh a ni.
12. Tidanglamtu thiltihtheihna.
He article sei tak hi ka article hmasa zawk tlangkawmna hmangin ka’n titawp leh ang e. Thiltihtheihna hi mi kuta rul kaw zen nan leh midangte tihnawmnah nana hman a nih dan hmu thiam lo chuan rorelna dik nei turin a beih theih loh, chutih rualin thiltihtheihna chelek ve ik loh chuan rorelna dik nei tura beih theih a ni lo. Chanchin Ṭha chuan Chhandamtu kan chunga thuneitu min kawhhmuh a, ani chuan a thuneihna leh thiltihtheihna chu rawng min bawlsak nan a hmang a, chu’ngte chu min chhandam nan chan vek leh tawrh pawh a huam a ni. Midangte tichhe lo va thiltihtheihna hmang thei tura thiamna leh thinlung dik nei Kristian tam tak kan awm. Kan Chhandamtu hniak hnung zui turin chawl lo vin i bei zel ang u.
*Tim Keller (1950-2023) was an American Presbyterian pastor, preacher, theologian, and Christian apologist. He was the chairman and co-founder of Redeemer City to City, which trains pastors for service around the world. He was also the founding pastor of Redeemer Presbyterian Church in New York City and the author of several best selling books. This article can be found here: https://gospelinlife.com/article/justice-in-the-bible/
Discover more from NUN HRUAITU
Subscribe to get the latest posts sent to your email.