ROBUAIA LUSHAI

Kohima-a kal chuan War Cemetery khi tlawh a ni deuh zel a, Sap leh Vai sipai tam takte hriatrengna thlan hmunah, a luhna Gate pui chung deuh mai A-11 ah hian Naik Robuaia Lushai hriatrengna hi a awm a,

664 NAIK
ROBUAIA LUSHAI
THE ASSAM REGIMENT
15 TH MAY 1944 AGE 21

tiin a inziak a, Mizo dang an awm lo. Saithuama Chhakchhuak leh Suaktinlalite fa pasarih zinga parukna niin Robuaia hi kum 1921 khan Durtlang Melriatah a lo piang a. Kum 1939 ah Assam Regiment-ah a lut a, kum 1944 March 8 atanga July 18 chhung khan khawvela indona hmingthar berte zinga mi, ‘Battle of Kohima’ an tihah khan a tel a, sipai huaisen nia sawi a ni. A thiante a boral lai hmutute chuan a huaisen em a, Japan sipai tlawm tur silai ri hnuhnung a thihpui ta tiin an sawi thin. A ute pahnih C.Manthanga leh Lalringliana te pawh sipaiah an tang a, unau pathum sipaia awm chu chawimawina Tangkapui an nu Suaktinlali hnenah Assam Governor-in a hlan a ni. Tunah an unau hian dam an awm tawh lo. An fate
erawh Durtlang, Chaltlang, Kolasib-ahte an awm hlawm. Robuaia hriatrengna ‘plague’-a a kum zat an ziah hi hriat sual a nih loh chuan a sipai record-ah a kum an lo titlem a nih hmel.

Sap sipai tam takte chu an hming pawh hriat chian theih loh an ni, thlanah

A BRITISH SOLDIER
OF THE
1939-1945 WAR
KNOWN UNTO GOD
tih ngawta ziak a tam hle.