RINNA AWMZIA LEH RINNA LANCHHUAHNA
Hebrai 11:1-7
Rinna sawifiahna
Zirlai hmasa lamah Pathian thuin rinna a ngaih
pawimawhzia leh rinnaa nun chu Pathianin felnaa a pawm
thu te, leh mifel chu rinna lo chuan a nun theihloh thu te
kan zir tawh a. Mahse, rinna chu eng nge a nih chiah? tih
chu Hebrai bung 11:1-ah, “Rinna hi thil beiseite awm
ngeia hriatna, thil hmuh lohte hriat fiahna a ni,” tiin a
hrilhfiah a.
Bible zirtu thenkhat chuan helai thu hi rinna
sawifiahna fûnkim ber a ni tiin an pawm hreh deuh nain,
hei tluka rinna sawichianna tha dang hi Bible hmun
dangah kan hmu lo tiin kan sawi thei âwm e. Zirtu
thenkhat chuan helai thu hi rinna awmzia sawifiahna
(definition) a nih piah lamah rinnain thil a tih sawichianna
(description) pawh a ni bawk a ni an ti a.
Discover more from NUN HRUAITU
Subscribe to get the latest posts sent to your email.