KAN HMAA MIHUAI KALTE
Hebrai 11:8 – 31
Entawn tûr mi hmingtha kan mamawh
Khawvêl hian kawng hrang hranga mi entawntlâk leh mahni kawng theuha mi hmingtha, fak tlâk leh lârte hi a dapin a zawng thîn a. Infiamna, rimawi, lemchan leh kawng hrang hrangah sûlsutu, hniak hmasa hnutchhiahtute hi an pawimawh êm êm a. Scientist ropui Sir Isaac Newton-a chuan, “Mite aia ka lo hmu thui deuh hlek a nih chuan mi liante kokia ding chunga ka thlîr vâng a ni ang,” tiin a lo sawi a. Kan hmaa kal hmasate tawnhriat hrang hrang atanga kan lo inzir thei hi a hlu êm êm a ni. Hêng avâng hian engmah dang entawn tur leh inzirna tûr awm hmaa, huaisen taka kawng lo sât kuaa lo dai hmasatute hi khawvêl thilah pawh ngaihsân an ni lo thei lo va. Ram hriat ngai loh zawng chhuak a, daidartu te, mi
la lâwn ngai loh tlângsâng lâwntute, thlaa inkâpkai hmasate chu khawvêlin pasaltha tiin a ngaisâng lo thei lo. Kawng pêng hrang hrangah mi hmingthate hming tarlanna – hall of fame hi kan hmu fo thin a ni.
Discover more from NUN HRUAITU
Subscribe to get the latest posts sent to your email.