Bible a rorelna dik (Justice in the Bible) XII- Tim Keller* (chhunzawmna)

10. Vun ngo ni lo Kristian hruaitute aṭanga zirin.

Rorelna dik awm theih nana beia thuhretu ṭha ni tur chuan Kristian ni lo mi thiamte thu ngaihthlak hi a pawimawh hle a ni tih a hmasa lamah kan sawi tawh a. Chu ai mah chuan vun ngo Kristiante tan vun ngo ni lo kan unaute thu ngaihthlak hi a piawmawh zawk, a chhan chu vun ngo ho thlir dan ni lo thlir dan dang daih hi an nei a. Bible thudik hmangin pumkhat kan ni vek a, mahse mahni inthiam chawpna thinlung leh kan mit tidel thei kan rilru puthmang leh hnam ziarangte nen Bible hi kan keu a, chu vang chuan Bible in min hrilh a tum tam tak hi kan lo hmuh hmaih ṭhin a ni tiin sual chungchanga kan thurin chuan min hrilh a. Tawnhriat chuan hei hi a tidanglam thei a ni.

Cancer ka lo vei ve reng tih hmuhchhuah a nih a, ka nunna ngei pawh derthawnga a han awm takah khan Bible chang ka lo phek en mai ṭhin tam takah khan thil thar ka hmu chhuak a. Hei hi eng vang nge ni ang? Bible aṭang hian i zawhna siam chhannate chauh hi i hmu ṭhin a ni, cancer vei chuan cancer vei ve lote zawhna ang lo deuh hi kan zawt tlat reng a. U.S. a vun ngo ni lo Kristiante hian hringnun tawnhriat danglam tak, kawng tam takah an nei a, chu vangin vun ngo Kristianten Bible a kan lo hmuh hmaih ṭhin tam tak min kawhhmuh thei ang.

Vun ngo i nih chuan hei hi engtin nge bul i ṭan ang? A hmasa berah chuan in kohhranah leh in khawpuia vun ngo ni lo Kristian hruaitute be pawp rawh. Pahnihnaah chuan vun ngo ni lo Kristian hruaitute lehkhabu ziah leh an kutchhuak dangte chhiar rawh. Vun ngo Kristiante hian bul ṭanna tur kan hre lo fo ṭhin, mahse in kohhranah leh in khawpuia mite i biak pawh tawh chuan, i ṭhian chhar tharte chuan kawng an kawhhmuh thei ang che. Ka naupan deuh laia min puitu ṭhenkhatte chu Martin Luther King Jr., John Perkins leh Carl Ellis te an ni. Tun hnu deuha min puitute chu Justo Gonzalez, Esau McCaulley leh Anthony Bradley te an ni.

I zawhna zawhte chhanna chauh hi Bible aṭang hian i hmu ṭhin a ni, cancer vei chuan cancer vei ve lote zawhna ang lo deuh hi kan zawt tlat reng a. U.S. a vun ngo ni lo Kristiante hian hringnun tawnhriat danglam tak, kawng tam takah an nei a, chu vangin vun ngo Kristianten Bible a kan lo hmuh hmaih ṭhin tam tak min kawhhmuh thei ang.

Kristianna hian Pathian thuah leh mihring rilru lamah danglamna tak a nei a, chu chuan hnam hrang hrangte sakhaw invawn ṭawm hmasa ber nihna pawh a pe reng a. Khawvelah hian Kristianna hi African, Asian leh Latin American te zingah a ṭhang duang em em a. Khawthlang rama Kristianna hmabak chu hnam hrang hrangte hruaina hnuaia awm hi a ni a, vun ngo tam tak chuan hei hi an hrethiam hlei thei lo. Vawiinah chuan European leh North American khawpui tam takah kohhran leh mission thar tam tak an ding a, chu’ngte chu African, Latin American leh Asian Kristiante kaihhruaina hnuaia awm an ni. A tunlai hma daihin anni ho hian rorelna dik lo chungchang hi an lo sawi chhuak tawh lehnghal.

chhunzawm tur

*Tim Keller (1950-2023) was an American Presbyterian pastor, preacher, theologian, and Christian apologist. He was the chairman and co-founder of Redeemer City to City, which trains pastors for service around the world.  He was also the founding pastor of Redeemer Presbyterian Church in New York City and the author of several best selling books. This article can be found here: https://gospelinlife.com/article/justice-in-the-bible/