DMI BEIHRUAL THUZIR 2025 – Zirlai 7-Na

PATHIAN KHAWNGAIHNA
Hebrai 12:14 – 29

Pathian Khawngaihna Sawtpui (12:14-17) Mi zawng zawng nêna inremna leh thianghlimna ûm rawh u, chumi thianghlimna lovin tu mân Lalpa an hmu lo vang, tiin bul a tan a. Kan mihring puite nên inremna theihtawpin (earnestly) kan zawng tur a ni. Mi tihnat loh,
bum loh, hliam loh ringawt a ni lo va, an phu apiang, an mamawh ang zelin a tul apiang kan chakna leh theihnain a tlin chhûng chu pe a, tihsak tur kan ni. In ngeih lohna, inthenna, inhuatna keimahni atangin a chhuak tûr a ni lo. Chutiang bawkin engkimah, theihtâwpin thianghlimna kan ûm bawk tur a ni; min kotu Pathian a thianghlim avangin. ‘Thianghlimna ûm tûr’ tih hian mi nên inremna zawn kawngah Pathian nêna kan inkâr tichhe zawngin, a
thu kalhin kan che tur a ni lo va, mite nen inremna kan zawnna chhan chu Pathian neitu kan nih vang a ni tih a keng tel a ni (v.14).