DELHI MIZO INKHAWM NPSS HANDBOOK

NAUPANG SUNDAY SCHOOL

HANDBOOK

2025

Delhi Mizo Inkhawm (DMI) chuan Naupang Sunday School (NPSS) zirlaibu CEEFI siam kan hman mek behchhanin zirtirtute puitu leh kaihruaitu handbook, Mizo tawnga siam ni se tiin a rêl a. He hmalâkna pawimawh tak hi a hlawhtlin theihna turin DMI inkhâwm pathuma NPSS department tina zirtirtu zawng zawngte chu zirlaibu pakhat theuhah naupangte zirtir dan tur ruahmanna (lesson plan) siam tura mawhphurhna pêk an ni a. Anni ho hian theihtawpa tan lain, lesson plan te an lo siam theuh a. An thawhrimna leh thahnemngaihna avangin he handbook hi kan lo nei thei ta a ni. Zirtir dan te, tawnhriat leh thiam zawngte a inan vek loh avangin lesson plan nih phung pawh hi a danglam thei viau mai a. Mahse, heng hi zirtirtuten hmang tangkaiin eng emaw ti kawng tala hlawk taka an chhawr tangkai theih kan beisei a, kan tawngtaina pawh a ni.

Zirlaibu kan hman lai mek bâkah handbook-ah hian DMI Committee chuan Lalpa Zanriah Sacrament leh Baptisma chungchang, kohhran pâwl pahnih khat rin dan bîk ni lo, Bible a\anga a thu lai thei ang ber zirtirna la chhuakin, sacrament leh baptisma nei kohhran naupangte zir theih tur leh kaihhruaina atana hman theih tur dah tel nise a tih angin zirlai min ziak sak turin DMI chhûnga ordained minister te ngen an ni a. Anni hovin tha takin min ziak sak a. A tul anga her danglam ngaite hera siam thain, he handbook-ah hian telh an ni ta bawk a ni.

Zirlai ziak sa te hi editor-ten theihtawpa rem fela, a tul ang zela siam that ngaite an siam that hnuin a vawikhatna atan zirtirtu leh zirlai ten tangkai taka an hman theih turin tihchhuah a lo ni ta hi a lawmawm hle a. A tak taka hman a nih hnu-ah a tul anga thlâk ngai, belh leh paih turte a chiang leh zual zel ang tih kan ring a ni.

He lehkhabu hi Pathianin a kohhranhote tan malsawmin, Sunday School naupangten Pathian leh a thu an hriatchian zelna atan leh a ropuina’n hmang zel rawh se.